តើ បេតុងអារម៉េ ជាអ្វី?
បេតុងអារម៉េ ជាពាក្យមកពីភាសាបារាំង Béton Armé
ដែល
· បេតុង ជា សមាសធាតុដែលផ្សំពី
ស៊ីម៉ងត៍ ខ្សាច់ ថ្ម និង ទឹក ដែលត្រូវបានលាយទៅតាមសមមាត្រកំណត់នៃបទដ្ឋានសំណង់។
· អារម៉េ គឺ
ប្រែមកពីភាសាបារាំងជាខ្មែរ មានន័យថា ដែក ឬ សរសៃដែក។
ដូច្នេះ បេតុងអារម៉េ ជាប៉េតុងដែលប្រើជាមួយសរសៃដែក។
ការប្រើប៉េតុងទទេ
មិនអាចធ្វើឲ្យអាគារមានភាពជាប់រឹងម៉ាំ ក្នុងកម្ពស់ខ្ពស់បាននោះទេ
ពីព្រោះប៉េតុងធ្វើការខ្លាំង នឹងកម្លាំងសង្កត់ តែដែកជាដៃគូយ៉ាងសំខាន់
ដែលធ្វើការនឹងកម្លាំងទាញ និង កម្លាំងពត់បង្កោង។
ក្រៅពីការធ្វើការតាមសមាសភាពរៀងៗខ្លួន ប៉េតុងជាអ្នកជួយការពាដែកមិនឲ្យច្រេះចាប់
ប្រៀបបាននឹងសម្បកការពារយ៉ាងក្រាស់។ ចំនែកដែកវិញ ជួយទប់នូវការបែកប្រេះ របស់ប៉េតុង
ដោយសារដែកមាន រ៉េស៊ីស្តង់ និងភាពយឺតខ្លាំងជាងប៉េតុង។
o គុណសម្បត្តិ និង
គុណវិបត្តិនៃ បេតុងអារម៉េ
1) គុណសម្បត្តិនៃ បេតុងអារម៉េ
ប៉េតុងអារម៉េ មានគុណសម្បត្តិ ជាច្រើនដូចេជា៖
§ ធ្វើការល្អបំផុតសម្រាប់សំណង់គ្រឹះ
§ មានតម្លៃសមរម្យ
§ មានលទ្ធភាពទ្រទ្រង់ខ្លាំងទៅនឹងកម្លាំងសង្កត់
និងកម្លាំងទាញ
§ ធន់ទៅនឹងអគ្គីភ័យ និង
ការរំខានពីអាកាសធាតុ
§ ធ្វើឲ្យសំណង់មានអាយុកាលយូរអង្វែង
§ ធ្វើការបានល្អជាមួយសំណង់ដែលធ្វើការនឹងអង្គធាតុរាវ
ប៉េតុងអាចធ្វើការបានល្អគ្រប់ទម្រង់ និងស្ថានភាព
§ ងាយស្រួលសាងសង់
§ ធ្វើឲ្យគ្រឿងបង្គុំមានកំរិតភាពដាបទាប
2) គុណវិបត្តិនៃ បេតុងអារម៉េ
ទោះជា បេតុងអារម៉េ មានគុណសម្បត្តិច្រើនយ៉ាងនេះក្តី
ក៏មានគុណវិបត្តិមួយចំនួនផងដែរ៖
§ ត្រូវការចំនាយ
និងការប្រើប្រាស់ក្តារពុម្ភច្រើន សម្រាប់សំណង់ធំៗ
§ ប៉ះពាល់បរិស្ថាន និង
បាត់បង់ជំរកសត្វ ដោយសារការវាយកំទេចភ្នំយកថ្ម និងសមាសផ្សំក្នុងការផលិត
§ ចំនាយពេលវេលាយូរ
ក្នុងការទទួលបានភាពធន់ដែលចង់បាន និងត្រូវមានការថែរទាំ
និងពិនិត្យជាប្រចាំទាំងការចាក់ប៉េតុង ដោះពុម្ព......
§ ប៉េតុងអាចនឹងបាត់បង់ភាពធន់
ឬ ប្រេះ ករណីសីតុណ្ហភាពមានភាពប្រែប្រួលញឹកញាប់
§ កម្តៅថ្ងៃដែលស្តុកក្នុងប៉េតុង
នឹងបញ្ចេញមកក្រៅវិញនៅពេលយប់ដែលជាហេតុនាំឲ្យប៉ះពាល់បរិស្ថាន
និងការរស់នៅរបស់មនុស្ស។ល។
អត្ថបទដោយ៖ អំពិលអំពែក
